Уладзімір Арлоў: «Не выключаю ўвядзеньня надзвычайнага становішча»
23.06.2020
Фота: Радыё Свабода

Уладзімір Арлоў: «Не выключаю ўвядзеньня надзвычайнага становішча»

Вядомы беларускі пісьменьнік пра выбарчую кампанію ў Беларусі.

У інтэрв’ю Радыё Свабода Уладзімір Арлоў адзначыў, што «сытуацыя мяняецца кожны дзень, і, можа стацца, ужо заўтра зьменіцца прынцыпова. Не выключаю ўвядзеньня надзвычайнага становішча».

— Калі ў Беларусі могуць, на вашу думку, адбыцца палітычныя зьмены?

— Я разумею, што кожны, хто адважна і, спадзяюся, адказна ўступіў у перадвыбарчую гонку, павінен — становішча абавязвае — рабіць аптымістычныя заявы, але я тут магу пагадзіцца толькі з адным: грамадзтва, бясспрэчна, увачавідкі робіцца іншым і гэта вяшчуе перамены.

Калі яны адбудуцца, сказаць пакуль надзвычай складана. Шмат каго, відаць, расчарую, калі скажу, што ня ў гэтым жніўні.

Але вось што галоўнае: гэтыя перамены мусяць адбывацца ў незалежнай дзяржаве. Незалежнасьць мы павінны быць гатовыя бараніць любымі сродкамі. Калі кандыдат у прэзыдэнты з гэтым ня згодны — гэта ня мой кандыдат.

— Ці паўплывае каранавірус на Беларусь? Якой яна будзе пасьля пандэміі, нешта зьменіцца?

— Па-першае, беларусы добра запомняць, як іх «ратавалі» ад эпідэміі. Таемнае раней ці пазьней зробіцца яўным. Так, як гэта некалі было з Чарнобылем.

Последнее в рубрике